Jowo Pas (1): Malem Jumuah


Tjatatan Must Prast

Redpel Jowo Pas

Wis lalekno disik urusan pulisi ”njaluk pegat” KPK. Negoro iki ben dipikir presiden. Onok urusan sing ora kalah penting. Ojo lali Dulur, saiki wis malem Jumuah. Wayahe ”ngumbah keris/gaman” (moco: sunah Rosul).

”Ngumbah keris” iki duduk urusan ecek-ecek, Rek. Nek biasane mek sak menit rong menit, malem Jumuah kudu isok limang menit. Eling paribasan: malem Jumuah kudu luwih apik tinimbang malem-malem liyane.

Nek biasane kumus-kumus, malem Jumuah kudu wangi. Nek biasane brintik, malem Jumuah kudu klimis. Nek biasane ngomong ambu abab, malem Jumuah semprot Molto disik. Ancen kudu bondo nek malem Jumuah. Ora mek bondo terong thok.

Lha kok yo pas malem Jumuah iki tepak Imlek. Umume, riyoyo singkek iki mesti udan, kadang udan trecek tapi sampek sedino dur. Howo adem pas malem Jumuah ngene ancen penak gawe nulup.

Ojok koyok Cak Bondet. Ditinggal nyonyae nyambut gawe nang Malaysia sik rong minggu, malah ”njajan” nang Bunderan Waru. Alasane wis wayahe malem Jumuah, dadi kudu ngumbah keris. Iku jenenge keris buta huruf, Cak!

Tapi ancen malem Jumuah dadi sakral. Kesakralan iku wis kawit jaman Mataram Islam. Salah sijine ngatur pasal ”ngumbah keris”. Ora oleh sembarangan mergane niti padu karo bojo iku wis diatur karo Kanjeng Nabi. Persoalane ora mek proyek nggawe adik, tapi njogo wekasan: kepuasan Anda adalah komitmen kami.

Nek kepengen ngrasakno swarga dunyo, yo malem Jumuah iki sing tepak. Sak durunge, moco bismillah disik, lanjut ayat Kursi ben fokus lan barokah. Mangan kintil kambing luwih apik!

Sidoarjo, 19 Februari 2015

About Eko Prasetyo

Mari Beramal lewat Ilmu

Posted on Februari 19, 2015, in Jowo Pas and tagged . Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: