Dosen Unesa Aras-arasen Nulis


Laporan Must Prast

 

 

SUROBOYO – Jowo Pas – Sakjane PR I Unesa Prof Kisyani Laksono wis woro-woro apene ndedekno kebiasaan nulis ndek sak kideran Unesa. Direktur PPG Unesa Prof Luthfiyah karo dosen keminggris Much. Khoiri dikongkon ngurak-urak.

Tapi yo ngono, akeh dosen sing nyelinthung. Padahal, kurang opo mbahu reksone Unesa cobak? Wis disiapno dana sak ketapruk –duduk duit gambar Gareng lho– tapi pancet ae aras-arasen nulis.

”Ngumpulno dosen Unesa gawe nulis buku siji ndil ae, angele masak Allah,” sambat Khoiri. Kakean ngobyek bekne Pak!

Usum udan koyok ngene, sakjane Jowo Pas duwe kajatan balapan (lomba) nulis soal crito cekak. Bose Jowo Pas, Dalan Riskan, wis nyiapno kerupuk sak pikep gawe kremusan. Karo duit gambar wong melet pecahan sepuluh ripis.

”Konco-konco iki ancen nggapleki. Atiku mbedhodhok, mentolo ngremus kemiri ae nek eling iku. Lha wong kabeh wis pathing cemepak, sik akeh ae alasan ora nulis,” sambat Cak Khoiri maneh. Mripate kethok abang mbranang, kethoke nahan pipis.

Dekne ngecepret maneh, jarene luwih penak nyambut gawe karo alumni. ”Aku cocok nek kerjo karo Cak Eko. Areke sik enom, pinter, wis pokoke mentolo tak cokot,” tambah mbahe Jalindo iki.

Seje karo critone Budi Darma. Dekne ngakoni nek akeh dosen Unesa saiki malese gak ketulungan nek dikongkon nulis. Seje karo jamane sing sik akeh dosen makaryo. ”Sik penak jamanku biyen tho?” pungkase.

About Eko Prasetyo

Mari Beramal lewat Ilmu

Posted on April 15, 2014, in Berita. Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: