Angin Pentil Muter


Catatan Must Prast

Wis jan ngawur tenan arek-arek nang redaksi Jawa Pos Media Televisi (JTV). Stasiun TV sing duwe jargon Satus Persen Jatim iku kadang rodok ndlodhok nek pas siaran warta berita Pojok Kampung. Sak tenane, aku tresna pol karo acara iki. Tayange sekitar jam songo bengi.

Masiyo digebyar pas wayahe wong turu, kadang tak belan-belani kuat melek mek gawe nontok penyiare sing masya Allah manise, eh duduk jreng, kamsudku yo nontok siarane. Kawitan ndeleng iku, wetengku kaku. Senep. Kakehan ngguyu. Kosakatane onok-onok ae.

Nek onok wong lanang konangan merkosa rondo kinyis-kinyis, arane pistol gombyok picek. Sak untara iku, wong wedok sing kenek copet diarani empal brewok apes. Oleh teko endi arek-arek iki kolaborasi maut empal karo brewok? Sing gak tak lalekno pas krungu berita empal brewok meteng mergane gelek dipancal pacare. Hamput! Dipadakno mancal becak ae.

Onok maneh kedaden nang Benowo, Suroboyo, perkoro kriminal. Arek lanang kecekel polisi gara-gara nyolong krukup gunung kembar. Hanthiiik, saiki BH wis ganti jeneng tah rek?! Sak liyane, onok istilah meteng mari ditulup bojone. Hahaha!

Sing paling ngekel yo pas berita musibah nang daerah Sumput, Sarirogo, Sidoarjo. Iki cedak omahku. Mergo angin kenceng karo udan deres rong jam punjul, akeh wit sing korat-karit. Genteng omahe wong ndeso podo mencelat sak senenge. Lha moro-moro penyiare nyebut kedaden iku digarai angin pentil muter alias lesus. Sik talah, kok kudu onok pentil muter seeeh?

Sidoarjo, 6 Juli 2013

Iklan

About Eko Prasetyo

Mari Beramal lewat Ilmu

Posted on Juli 6, 2013, in Catatan Harian. Bookmark the permalink. Tinggalkan komentar.

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: